Eliza Reid, forsetafrú, tók á móti stjórn og framkvæmdastjóra Endósamtakanna á Bessastöðum á dögunum. Þar fékk hún að gjöf Endópokann 2024, sem var framleiddur og seldur í tilefni af Endómars, sem er alþjóðlegur mánuður tileinkaður vitundarvakningu um Endómetríósu.

Fulltrúar samtakanna og forsetafrúin áttu gott og einlægt samtal um sjúkdóminn, samtökin og þær áskoranir sem einstaklingar með endómetríósu standa frammi fyrir í daglegu lífi. Við hjá Endósamtökunum fengum einnig tækifæri til að segja forsetafrúnni frá því magnaða samfélagi er á bakvið Endósamtökin, félagsmeðlimum samtakanna, sem taka þátt í öllum viðburðum, í réttindabaráttunni og í að auka þekkingu íslensks samfélags á sjúkdómnum.

Eliza hrósaði samtökunum fyrir öflugt starf og sagði að hér væri greinilega um að ræða samhent og virkt samfélag.

Við þökkum Elizu fyrir hlýjar mótttökur og mikinn áhuga á starfinu og vonum að Endópokinn veiti gleði og gagn á Bessastöðum.

Endópokinn er til sölu í vefverslun samtakanna.