Hvað er endómetríósa?

Endómetríósa er alvarlegur sjúkdómur.

Endómetríósa er oftast kölluð: endó.

Konur eru með líffæri sem heitir leg.

Innan á leginu er legslíma.

Legslíma er þunn slímhúð.

Svolítið eins og slímhúðin í munninum.

Legslíman er þar sem fóstur vex.

Það gerist þegar kona er ólétt.

Einu sinni í mánuði undirbýr líkaminn sig fyrir fóstur.

Til dæmis með því að búa til estrógen.

         Estrógen er hormón.

           Hormón hafa áhrif á líkamann.

Estrógen sendir blóð í legslímuna.

Þá verður legslíman þykk.

Er ekkert fóstur?

Þá fer legslíman úr leginu.

Það heitir: blæðingar.

Svo myndast ný legslíma.

Legslímu·frumur vaxa í leginu.

Hjá sumum vaxa líka endófrumur.

Endófrumur eru mjög líkar legslímu·frumum.

Endófrumur vaxa annars staðar í líkamanum.

Það heitir: endó.

Þá vaxa endófrumur til dæmis:

• utan á leginu

• á eggjastokkum

• á nýrunum

• á þvagblöðrunni.

Estrógen lætur endófrumur þykkna líka.

Þá mynda endófrumurnar bólgur.

Það getur líka blætt úr endófrumunum.

Þetta getur verið mjög vont.