Ert þú með endómetríósu og átt erfitt með að stunda vinnu vegna sjúkdómsins? Hefur þú farið í veikindaleyfi, verið í endurhæfingu eða dottið tímabundið eða alfarið út af vinnumarkaði?

Endósamtökin auglýsa eftir þátttakendum í stuðnings- og fræðsluhóp. Hópurinn mun hittast í 6 skipti, á þriðjudögum frá 14:30-16, í Sigtúni 42 frá og með þriðjudeginum 24. september.

Markmið hópsins er að styðja við fólk með endómetríósu og að þátttakendur kynnist öðrum með svipaða reynslu sem einnig glíma við sjúkdóminn. Hópurinn er fyrir meðlimi Endósamtakanna á öllum aldri, og er þátttaka gjaldfrjáls.

Skráning fer fram í gegnum netfangið: endo@endo.is

Oddný Jónsdóttir, félagsráðgjafi og fjölskyldufræðingur, og Lilja Guðmundsdóttir, félagsráðgjafi og formaður Endósamtakanna, leiða hópinn.

Athugið, takmarkað pláss! 

Þessi stuðningshópur er styrktur af Heilbrigðisráðuneytinu.

Aðgengi
Hóparnir fara fram í Mannréttindahúsinu í Sigtúni 42. Þar er mjög gott aðgengi fyrir hreyfihamlað fólk að öllum rýmum, þar með talið að salerni. 

Ef þú hefur fyrirspurn um aðgengi eða þarft sértækan stuðning til að geta tekið þátt, endilega hafðu samband á endo@endo.is.