Stjórn Samtaka um endómetríósu býður velkomna til starfa Guðfinnu Birtu Valgeirsdóttur, en hún hefur verið ráðin í 50% starf á skrifstofu samtakanna. Guðfinna Birta hefur reynslu af ýmiskonar störfum, m.a. vefsíðugerð, kennslu og viðburðastjórnun svo eitthvað sé nefnt. Hún lauk MS prófi í markaðsfræði og alþjóðaviðskiptum frá Háskóla Íslands nú í vor. Guðfinna Birta er mannblendin samfélagsmiðlaáhugakona sem hefur gaman af að prófa nýja hluti og vinna með fólki. Við hlökkum til að starfa með henni.