Lög um Samtök kvenna með endómetríósu

1. gr. Nafn
Nafn samtakanna er Samtök kvenna með endometríosu.

2. gr. Heimili
Heimili samtakanna er að Dalseli 8, 109 Reykjavík.

3. gr. Tilgangur
Samtökin eru sjálfstæð sjálfshjálparsamtök rekin með árgjaldi félagsmanna og frjálsum framlögum. Samtökunum er ætlað vera stuðningssamtök fyrir konur með endómetríósu og aðstandendur þeirra.

4. gr. Markmið
Tilgangi sínum skulu samtökin ná með því að - halda úti heimasíðu og gefa út upplýsingablað til félagsmanna 2 - 4 sinnum á ári.- gefa út réttar og viðeigandi upplýsingar um endómetríósu og afleiðingar sjúkdómsins, bæði á heimasíðu félagsins og í riti.- halda tvo félagsfundi á ári hverju.- sinna samstarfi við hið opinbera og meðferðaraðila í því markmiði að bæta gæði meðferða og upplýsinga um sjúkdóminn og greiningu hans.- stuðla að aukinni almenningsvitund um endómetríósu með því að fjalla um sjúkdóminn í fjölmiðlum, m.a. í kringum alþjóðaviku endómetríósu í byrjun mars á hverju ári.- stuðla að góðum tengslum milli kvenna með endómetríósu, lækna og meðferðaraðila.- stuðla að því að komið verði á fót sérhæfðri miðstöð sem sinnir af sérþekkingu konum með endómetríósu.- fá endómetríósu viðurkennda af heilbrigðisyfirvöldum sem krónískan sjúkdóm og stuðla þannig að bættu fjárhagslegu öryggi fyrir þá sem verst eru settir vegna sjúkdómsins með tilliti til tímabundinnar eða langvarandi örorku.- starfa að verkefnum með öðrum samtökum sem starfa á sviði sjúkdóma sem leggjast helst á konur.- hvetja stjórnvöld og stærri fyrirtæki til að setja fé í rannsóknir á sviði endómetríósu.- skrá félagið sem aðila að European Endometriosis Alliance 2EA og leggja þannig sitt að mörkum til samstarfs um endómetríósu í Evrópu.

5. gr. Aðildarfélagar
Konur sem hafa og hafa haft endómetríósu, sem og aðstandendur þeirra, geta orðið félagsmenn í samtökunum. Læknar og aðrir áhugasamir sem óska að styðja samtökin geta orðið stuðningsfélagar samtakanna.

6. gr. Aðalfundur
Venjulegur aðalfundur skal haldast í lok mars á ári hverju. Dagsetning og staðsetning fundarins ákvarðast af stjórn. Fundarboð skal sendast út skriflega 30 dögum fyrir áætlaðan fund. Aðalfundurinn er æðsta ákvörðunarvald samtakanna og getur, ef ekki er annars getið, með meirihluta atkvæða atkvæðabærra fundarmanna tekið allar þær ákvarðanir sem fyrir fundinum liggja. Aðalfundargestir velja fundarstjóra undir leiðsögn formanns. Aðalfundarstjóri mun ákvarða allar spurningar sem hægt er að leggja fyrir fundinn í samræmi við fyrirfram kynnta dagskrá. Þó mun skrifleg atkvæðagreiðsla geta farið fram, fari a.m.k. einn fundarmanna fram á það. Á aðalfundi skulu eftirfarandi atriði verða tekin til afgreiðslu:

1. Val á fundarstjóra
2. Val á fundarritara
3. Val á atkvæðateljara
4. Samantekt stjórnarmanna á starfinu milli aðalfunda
5. Samþykkt reikninga samtakanna
6. Afgreiðsla tillagna sem fyrir fundinum liggja
7. Kynning og val á stjórn
8. Annað

Tillögur aðildarfélaga sem taka á fyrir á aðalfundi þurfa að berast stjórn eigi síðar en 15 dögum fyrir lögboðaða dagsetningu aðalfundar og skal þá fylgja nafn þess sem fylgja mun tillögunni eftir.

7. gr. Aukaaðalfundur
Aukaaðalfundur verður haldin þegar þurfa þykir og stjórn ákveður eða ef a.m.k. 10 aðildafélagar óska þess. Beiðni aðildarfélaga verður að berast skriflega ásamt dagskrá fundarins. Fundarboð skal sendast út tveimur vikum fyrir fund. Aukaaðalfundur skal haldinn eigi síðar en tveimur mánuðum eftir að krafa um það var framsett.

8. gr. Stjórn
Stjórn samtakanna samanstendur af fjórum til átta félögum sem kosnir eru til tveggja ára í senn á aðalfundi samtakanna. Einungis félagar skuldlausir við samtökin geta gefið kost á sér. Tillaga að nýrri stjórn sendist út til félaganna með aðalfundarboði. Einungis þrír af stjórnarmönnum í einu geta verið tvö stjórnartímabil í röð. Að öðru leyti ákvarðar stjórn sjálf sitt starf. Dagskrá stjórnarfunda ákvarðast af stjórn og skal formaður stjórnar ákveða tíma og fundarstað hverju sinni. Stjórnin hefur ákvörðunarvald þegar lágmark 50% stjórnarmanna eru til staðar. Ákvarðanir er teknar með meirihlutaatkvæða, þegar ákvörðun fellur jöfn mun ákvörðun formanns hafa tvöfalt vægi. Stjórn er sameiginlega ábyrg fyrir öllum fjármálum samtakanna. Stjórnarstarf og önnur vinna innan samtakanna er ekki launuð. Þátttakendur í sérverkefnum á vegum samtakanna eru ekki stjórnarmenn. Meirihluti stjórnarmanna skulu vera konur með endometríosu.

9. gr. Félagsgjald
Félagið er ekki rekið í hagnaðarskyni. Stjórnin ákvarðar árgjald samtakanna sem nýtt er til að standa straum af rekstrar-kostnaði þeirra. Fyrir almennan félaga er árgjaldið kr. 3000 en fyrir stuðningsfélaga er árgjaldið kr. 3500. Þegar sérstaklega stendur á getur stjórn ákveðið að lækka árgjald einstakra félaga. Sé félagsgjaldið ekki greitt innan þriggja mánaða frá áminningu þess eðlis, mun félagsaðild sjálfkrafa falla niður.

10. gr. Reikningar samtakanna
Reikningstímabil samtakanna er 1. apríl til 31. mars ár hvert. Reikningar samtakanna skulu endurskoðast af endurskoðanda sem valinn er af stjórn.

11. gr. Breytingar á lögum samtakanna
Hægt er að samþykkja breytingar á lögum samtakanna þegar 2/3 atkvæðabærra fundarmanna veita atkvæði sitt með breytingartillögunni.

12. gr. Ráðstöfun eigna við slit
Ákvörðun um slit samtakanna verður tekin á stjórnarfundi með einföldum meirihluta og renna hugsanlegar eignir og lausafé til góðgerðamála.

13. gr. Ýmis ákvæði
Stjórn getur valið varamenn í stjórn til ákveðinna, tímabundinna verkefna. Lög þessi voru samþykkt á stofnfundi félagsins þann 20. október 2006 og öðlast þegar gildi. Reykjavík 24. október 2006 Ása María Björnsdóttir-Togola, formaðurBjörk Felixdóttir, varaformaðurBenedikta S. Hafliðadóttir, ritariAnna María JónsdóttirBrynja Vigdís ÞorsteinsdóttirHrafnhildur Sigurðardóttir