Ekki er hægt að tala um eina ákveðna meðferð þar sem einkenni geta verið mismunandi en meðferð felst að miklu leyti í verkjalyfjum, langvarandi töku getnaðarvarnapillunnar, sérhæfðri hormónameðferð (nokkrar mismunandi tegundir og styrkleiki lyfja), skurðaðgerðum þar sem fjarlægður er endometríósuvefur í sem mestu magni og, sem allra síðasta úrræði, brottnám legs og/eða eggjastokka. Allar aðferðirnar hafa í för með sér aukaverkanir.

Einnig eru til ýmsar aðferðir til að láta sér líða betur. Hér á eftir fer samantekt um hitt og þetta sem tekið var héðan og þaðan úr hinum ýmsu bæklingum og blöðum sem við fundum. Athugaðu að við ábyrgjumst auðvitað ekki hvað er satt og rétt í þessu öllu saman, þú þarft að kanna og skoða hvað hentar þér best og prufa svo hvað sannara reynist.